आपली चावडी मोजणी (नोटिसेस) ऑनलाईन कशी पाहायची? (२०२६)

शेतकरी मित्रांनो, तुमच्या जमिनीची सरकारी मोजणी कधी होणार आहे, याची माहिती मिळवण्यासाठी आता तुम्हाला भूमी अभिलेख कार्यालयात हेलपाटे मारण्याची अजिबात गरज नाही. महसूल विभागाच्या अधिकृत पोर्टलवर आपली चावडी मोजणी (नोटिसेस) घरबसल्या मोबाईलवर पाहणे अत्यंत सोपे झाले आहे.

या सुविधेमुळे मोजणीची नेमकी तारीख आणि अधिकाऱ्याचा नंबर तुम्हाला आधीच मिळतो. जर तुम्हाला जमिनीच्या मालकी हक्कात झालेले बदल पाहायचे असतील, तर आमची सातबारा फेरफार नोटीस ऑनलाईन कशी पाहायची? ही पोस्ट देखील नक्की वाचा. आता मोजणी नोटीस पाहण्याच्या २०२६ च्या अचूक आणि अद्ययावत स्टेप्स आपण खालीलप्रमाणे पाहूया.

आपली चावडी पोर्टलवर मोजणी नोटीस पाहण्याची अचूक पद्धत

तुमच्या शेतजमिनीची मोजणी नोटीस (Mojni Notice) डाऊनलोड करण्यासाठी खालील सोप्या स्टेप्सचा वापर करा.

१. संकेतस्थळावर मोजणीचा पर्याय निवडणे

सर्वांत आधी महाराष्ट्र शासनाच्या ‘आपली चावडी’ या अधिकृत पोर्टलवर जा.

• सुरुवातीलाच तुम्हाला काही पर्याय दिसतील, त्यापैकी ‘मोजणी (नोटिसेस)’ या पर्यायावर (रेडिओ बटन) क्लिक करा.
• त्यानंतर खालील रकान्यांमध्ये तुमचा जिल्हा (District), तालुका (Taluka) आणि गाव (Village) ड्रॉपडाऊन लिस्टमधून अचूक निवडा. (उदा. जिल्हा: छत्रपती संभाजीनगर, तालुका: पैठण, गाव: ढोरकीन).
• स्क्रीनवर दिसणारा कॅप्चा कोड (Captcha) बॉक्समध्ये टाईप करून हिरव्या रंगाच्या ‘आपली चावडी पहा’ या बटनावर क्लिक करा.

२. मोजणी विषयी (Mojni) डॅशबोर्ड तपासणे

पुढील पानावर तुमच्यासमोर मोजणीच्या नोटिसांचा मुख्य डॅशबोर्ड उघडेल. या डॅशबोर्डवर तुम्हाला एक तक्ता दिसेल ज्यामध्ये अनेक महत्त्वाच्या बाबी असतात.

अ.क्र.	मोजणी क्रमांक	जमीन मालक	नोंदणी तारीख	मोजणी तारीख	सविस्तर माहिती
1	MRN-(…)नियमित-108477	(मालकाचे नाव)	19/06/2026	17/08/2026	‘पहा’ बटनावर क्लिक करा
2	MRN-(…)नियमित-104103	(मालकाचे नाव)	22/04/2026	29/06/2026	‘पहा’ बटनावर क्लिक करा
3	MRN-(…)नियमित-102170	(मालकाचे नाव)	09/04/2026	15/07/2026	‘पहा’ बटनावर क्लिक करा

(टीप: वरील माहिती चालू नोटिसेसची आहे.)

ज्या मोजणी अर्जाची तुम्हाला सविस्तर माहिती हवी आहे, त्या समोरील निळ्या रंगाच्या ‘पहा’ या बटनावर क्लिक करा. तसेच शहरी भागातील लोकांसाठी आपली चावडी मालमत्ता पत्रक फेरफार ही सुविधा देखील याच पोर्टलवर उपलब्ध आहे.

३. मोजणी नोटीस सविस्तर वाचणे (पोट हिस्सा मोजणी)

‘पहा’ वर क्लिक केल्यावर तुमच्यासमोर भूमी अभिलेख विभागाची अधिकृत मोजणी नोटीस उघडेल. या कागदपत्रात अत्यंत बारकाईने दिलेली माहिती असते:

• मोजणीचा प्रकार आणि तारीख: यामध्ये तुमचा मोजणी प्रकार (उदा. पोट हिस्सा नियमित) आणि नेमकी मोजणी तारीख (उदा. 17/08/2026) दिलेली असते.
• वेळ आणि आवश्यक मदत: ठरलेल्या दिवशी सकाळी ०९:३० वाजता हजर राहण्याची सूचना असते. तसेच मोजणीसाठी लागणारी मदत जसे की: निशानदार, चार मजूर, चुना, उंच काठ्या, छत्री इत्यादी सोबत आणणे अनिवार्य असते.
• भूकरमापकाचा संपर्क क्रमांक: मोजणी करणाऱ्या कर्मचाऱ्याचे (Surveyor) पूर्ण नाव आणि त्यांचा मोबाईल नंबर नोटीसवर स्पष्ट दिलेला असतो, जेणेकरून तुम्ही त्यांना संपर्क करू शकता.
• सहधारक आणि लगतधारकांची यादी: या नोटीसमध्ये जमिनीचे इतर सहधारक आणि चारही दिशांना (पूर्व, पश्चिम, दक्षिण, उत्तर) असणाऱ्या लगतच्या खातेदारांची नावे असतात.

४. मागील संग्रहित नोटीस (Archive Notice) पाहणे

अनेकदा आपल्याला जुन्या मोजणीच्या तारखा आणि नोटिसा तपासायच्या असतात. यासाठी २०२६ मध्ये पोर्टलवर उत्तम सुविधा आहे.

मोजणीच्या डॅशबोर्डवर उजव्या बाजूला वरती तुम्हाला ‘Archive notice / मागील संग्रहित नोटिस’ असे निळे बटन दिसेल. यावर क्लिक केल्यास तुम्ही थेट २०१९-२०२० मधील जुन्या मोजणीच्या नोटिसांची यादी पाहू शकता.

नेहमी विचारले जाणारे प्रश्न (FAQs)

ही माहिती प्रत्येक शेतकऱ्यासाठी आणि जमीन मालकासाठी अत्यंत फायदेशीर आहे. जमिनीच्या मोजणीवेळी वेळेवर उपस्थित राहून वाद टाळण्यासाठी ही डिजिटल नोटीस खूप मदत करते. त्यामुळे हा लेख तुमच्या शेतकरी मित्रांसोबत आणि गावातील व्हाट्सअप ग्रुपवर नक्की शेअर करा, जेणेकरून सर्वांना ही अद्ययावत माहिती घरबसल्या मिळेल.